მას შემდეგ, რაც თბილისის სახელმწიფო უნივერსიტეტში სტუდენტური თვითმმართველობა ჩამოყალიბდა, მასში თავი მოიყარეს სხვადასხვა ფაკულტეტის სტუდენტებმა. მათ შორის არიან ისეთებიც, რომლებიც გარდა სტუდენტური თვითმმართველობისა, დამოუკიდებელ საქმიანობასაც ეწევიან და სახელმწიფო უნივერსიტეტში განხორციელებულ პროექტებშიც აქტიურ მონაწილეობას იღებენ.
ილია მესხიშვილი ერთ-ერთი იმ სტუდენტთაგანია, რომელიც აქტიურადაა ჩაბმული სტუდენტურ ცხოვრებაში და ცდილობს იგი უფრო საინტერესო და სასარგებლო გახადოს თანატოლებისათვის.
ილია 1985 წლის 20 აპრილს ქ.თბილისში დაიბადა. ბავშვობის სურვილი სკოლის დამთავრებისთანავე აისრულა და თბილისის სახელმწიფო უნივერსიტეტის მედიცინის ფაკულტეტის სტუდენტი გახდა.

–ილია, გარდა თვითმმართველობისა, რას საქმიანობ?
– მიუხედავად იმისა, რომ სტუდენტურ თვითმმართველობაში ჩემი საქმიანობა ჩემთვის ყველაზე მნიშვნელოვანია, ვარ ერთ-ერთი ინტერნეტ მაღაზიის დამფუძნებელი; საქართველოს სტუდენტურ-სტომატოლოგთა ასოციაციის დამფუძნებელი; “ქოლგეითის” სტიპენდიანტი; ერთ-ერთი ვებ-დიზაინერთა ჯგუფის დამფუძნებელი და უნივერსიტეტში სენატეს წევრი.
-შენი ჰობია ცურვა, გაქვს თუ არა მიღებული მონაწილეობა სპორტულ შეჯიბრებებში?
- ცურვა ძალიან მიყვარს. დიახ, მიმიღია მონაწილეობა. ერევანში საერთაშორისო ტურნირზე მეორე ადგილის მფლობელი გავხდი წყალბურთში. ვიყავი 16 წლამდე ახალგაზრდულ ნაკრებში "კოკა –კოლას" თასზე მესამე ადგილის მფლობელი.
-რა არის შენი მიზანი?
- ჩემი მიზანია გამოვიდე ჩემი საქმიანობის პროფესიონალი და ჩემი საქმის მცოდნე. ვსწავლობ სტომატოლოგიის ფაკულტეტზე

- შეგიძლია გვითხრა, რას თვლი შენი წარმატების მიზეზად?

- ჩემი წარმატების მიზეზი ჩემი შრომისმოყვარეობაა.

- და ბოლოს... როგორია შენი თვალით დანახული "ახალგაზრდა იურისტი"?