ფერიის მთაზე ვანდალურად დანგრეული მშენებარე წმიდა გაბრიელის სახელობის ეკლესიის თემა საზოგადოებრვი განხილვის თემა ალბათ მანამ იქნება, ვიდრე პრეზიდენტი თავის გადაწყვეტილებას არ მიიღებს – პასუხისგებაში არ იქნება მიცემული დამნაშავენი. მრევლი სწორედ საქართველოს პრეზიდენტის გადამწყვეტ სიტყვას მოელის. მანმადე, საქართველოს სხვადასხვა ქალაქებში პოლიტიკური პარტიები და არასამთავრობო ორგანიზაციები საპროტესტი აქციებს მართავენ და ფაქტს გმობენ. ფერიის მთაზე მრევლის მეოხებით, დანგრეული ეკლესიის აღდგენა უკვე დაწყებულია.

მიმდინარე მოვლენებთან დაკავშირებით, რაც აჭარაში განვითარდა, საქართველოს კათოლიკოს პატრიარქმა უწმიდესმა და უნეტარესმა ილია II შეფასება გააკეთა. პატრიარქის თქმით, `ქვეყნის გაძლიერების საფუძველი ერთიანი და ძლიერი ეკლესიაა. ის, ვინც ეკლესიის დაყოფას ცდილობს, ებრძვის ეროვნულ ინტერესებს” – განაცხადა მისმა უწმიდესობამ. ილია II ერს რწმენაში გაძლიერებისა და გამტკიცებისაკენ მოუწოდებს.

Fფერიის მთაზე მომხდარით შეშფოთებულია ბათუმისა და ქობულეთის ეპისკოპოსი მეუფე დიმიტრი. ის მომხდარში აჭარის ხელისუფლებას ადანაშაულებს. მეუფე დიმიტრიმ თავის მრევლს ბათუმის ღვთისმშობლის ეკლესიაში წირვის დასრულების შემდეგ მიმართა. `მსგავსი ინციდენტის განმეორების შემთხვევაში, ეკლესია და მრევლი მომხდარზე პასუხისმგებლობას იხსნის. ჩვენ უნდა ვილოცოთ, რათა მიეტევოთ მათ, ვინც ტაძრის დანგრევის ბრძანება გასცა.” – მიმართა მორწმუნეებს მეუფე დიმიტრიმ.