სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე თბილისის 55-ე საჯარო სკოლაში იმყოფებოდა, სადაც სკოლის პედაგოგებს და მოსწავლეებს შეხვდა.

შეხვედრაზე პატრიარქმა ისაუბრა ბოლო დროს ახალგაზრდებში ძალადობის ზრდაზე და აღნიშნა, რომ პედაგოგებმა მოსწავლეებს უპირველეს ყოვლისა სიყვარული, პატიება, შერიგება და პატივისცემა უნდა ასწავლონ.

'ბოლო დროს გავრცელდა ქართველებს შორის აგრესიული გრძნობა, უნდობლობა, სიძულვილი, მაგრამ მე მინდა ვთქვა, რომ ეს არ არის ჩვენი თვისება. ეს უცხოა, უცხოეთიდან მოტანილია და კიდევ ერთხელ მოწმობს, რამდენად არასწორად ხდება ბავშვების აღზრდა', - დასძინა პატრიარქმა.

ილია მეორემ ასევე ნეგატიურად შეაფასა განათლების სამინისტროს ახალი ინიციატივა, რომელიც ე. წ. ალტერნატიულ სკოლებს შეეხება.