– იმდენად, რამდენადაც სენატი სრულიად ახალი მოვლენაა, რამდენად მზად ხართ მუშაობისათვის?

გიორგი: აღნიშნულ არჩევნებს წინ უძღოდა თვითმართველობის არჩევნები, შესაბამისად წარმატების მისაღწევად დიდი შრომა იყო საჭირო, შრომას გამოცდილება მოჰყვა და დღეს არ გვაშინებს ის პასუხისმგებლობა, რაც გვაკისრია, რადგან საქმის კეთების საკმარისი გამოცდილება და უნარი გვაქვს.

მარიამი: ჩვენ ამ გამარჯვებით მეტი პასუხისმგებლობა გვეკისრება და არა მარტო იმ სტუდენტთა წინაშე, რომლებმაც აგვირჩიეს და ნდობა გამოგვიცხადეს, არამედ საკუთარი თავის წინაშეც.

– რა ვადით მოხდა სენატის არჩევა?

გიორგი: სენატი არჩეულ იქნა ოთხი წლით, თუმცა მას შემდეგ, რაც რომელიმე წარმომადგენელი დატოვებს მას, სწავლის დასრულების შემთხვევაში მოხდება მისი ჩანაცვლება იმ პირით, რომელსაც მეტი ხმა აქვს მოპოვებული.

–რამდენად ელოდით ასეთ დამაჯერებელ გამარჯვებას?

მარიამი: ველოდით, რადგან საკმაოდ დიდი შრომა ჩავდეთ ამ გამარჯვების მოპოვებაში, ჩვენ დილის 9 საათიდან ღამის 1-2 საათამდე ვმუშაობდით და საბედნიეროდ შესაბამისი შედეგიც მივიღეთ.

–  რას უსურვედით საკუთარ თავს წარმომადგენლობით ორგანოში?

გიორგი: როდესაც 1200 სტუდენტიდან დაახლოებით 800 სტუდენტი გამოგიცხადებს ნდობას საჭიროა მათი იმედების გამართლება. ჩვენ დავიცავთ ჩვენი ფაკულტეტის ინტერესებს აღნიშნულ ორგანოში და წარმოვადგენთ მას საკმაოდ საინტერესო კუთხით. Aამიტომ საკუთარ თავს სწორედ სტუდენტთა ნდობის გამართლებას ვუსურვებ.

მარიამი: საკუთარ თავს ვუსურვებ მომეხდინოს იმ მიზნების რეალიზაცია, რის გამოც დაგვიჭირეს მხარი და გამოგვიცხადეს ნდობა.

ჩემის მხრივ და გაზეთ „ახალგაზრდა იურისტი“-ს სახელით მინდა კიდევ ერთხელ მივულოცო მათ ეს საკმაოდ დიდი წარმატება და ვუსურვო საკუთარი თავისა და შესაძლებლობების მაქსიმალური წარმოჩენა და რეალიზაცია.