`ერთიანი სტუდენტური მოძრაობის” თავმჯდომარე და ამავდროულად, თვითმმართველობის პრეზიდენტობის ერთ-ერთი კანდიდატი თსუ-ის იურიდიული ფაკულტეტის მაგისტრი გიორგი შამათავა დარწმუნებულია, რომ ახალ თვითმმართველობაში შემთხვევით ვეღარავინ მოხდება.  მისი თქმით, `იგი დაკომპლექტდება მაქსიმალურად ნიჭიერი, რეიტინგული და სამაგალითო სტუდენტებისგან, რომლებიც მოვლენ ახალი იდეებით, ახალი შეხედულებებითა და სავეს ენთუზიაზმით.” მისი თქმით, ასეთი თვითმმართველობა გარანტი უნდა გახდეს იყოს პოპულარული და რეიტინგული სტუდენტებში. `ახალ თვითმმართველობაში შემთხვევით ვეღარავინ მოხდება, რადგანაც კონკურენცია იქნება ძალიან დიდი.” – განაცხადა შამათავამ. `ერთიანი სტუდენტური მოძრაობის” თავმჯდომარე იმედოვნებს, რომ ახალი თვითმმართველობა იქნება უფრო ქმედითი და საუნივერსიტეტო საზოგადოების იმედებს გაამართლებს. გიორგი შამათავა დარწმუნებულია, რომ ახალ თვითმმართველობაში `ერთიანი სტუდენტური მოძრაობა” უმრავლესობით მოვა და არჩევნები ობიექტურობით ჩაივლის. `ახალმა თვითმმართველობამ აუცილებლად უნდა შეინარჩუნოს პოლიტიკური ნეიტრალიტეტი, მაგრამ უნივერსიტეტის ფარგლებს გარეთ, თითოეული სტუდენტი უფლებამოსილია დააფიქსიროს ის პოზიცია, რომელიც მას სწორად მიაჩნია.” შამათავას განცხადებით, ახალი თვითმმართველობა თავისი მნიშვნელობის შესახებ უფრო მეტი სტუდენტის დარწმუნებას და ინფორმირებას შესძლებს.