თბილისის სახელმწიფო უნივერსიტეტში სულ ახლახანს ჩამოყალიბებული სტუდენტური მოძრაობა, რომელსაც `სტუდენტების უფლებების დაცვის ასოციაცია” ეწოდა, თსუ-ის სტუდენტური თვითმმართველობის რჩევნებში მონაწილების მიღებას აპირებს. ამის თაობაზე განცხადება გააკეთა ასოციაციის თავმჯდომარემ, თსუ-ის სოციალურ-პოლიტიკურ მეცნიერებათა ფაკულტეტის მეორე კურსის სტუდენტმა მახარე მერებაშვილმა. ასოციაციის საზოგადოებასთან ურთიერთობის სფეროს ხელმძღვანელის ნატალია გოქაძის შეფასებით, ასოციაციის მთავარი მიზანი იქნება სტუდენტების უფლებების დაცვა, რადგანაც დეკანატების მხრიდან ხშირია შემთხვევები, როდესაც სასწავლო პროცესის მიმდინარეობაზე სტუდენტების მიერ დასმულ კითხვებს პასუხი არ ეცემა. ასოციაციის წევრთა განცხადებით, მათი დამსახურებაა, რომ უნივერსიტეტში სარეიტინგო სისტემასთან დაკავშირებით პრობლემები მოგვარდა. მათ მხედველობაში აქვთ თსუ-ის აკადემიური საბჭოს ის დადგენილება 33
სარეიტინგო სისტემის შესახებ, რომელიც დაბალი რეიტინგის შემთხვევაში, სტუდენტის გარიცხვას ითვალისწინებდა. `ჩვენ ვაპროტესტებდით დადგენილების
II-IV კურსებზე გავრცელებას. ამჟამად სარეიტინგო სისტემა შეჩერებულია” – განაცხადეს ასოციაციის წევრებმა. მათი თქმით, სამომავლოდ აქტიურად იგეგმება სტუდენტური ინიციატივების მხარდაჭერა და სტუდენტა უფლებების კუთხით ღონისძიებების გატარება.
|