მოძრაობა `ახალგაზრდულის” თავმჯდომარე, თსუ-ის იურიდიული ფაკულტეტის IV
კურსის გიორგი თოფურია 24 ოქტომბერს, საღამოს, უნივერსიტეტის მიმდებარე
ტერიტორიაზე სასტიკად სცემეს. `ახალგაზრდულის” წევრები მიუთითებენ, რომ
თავდასხმა თსუ-ის სტუდენტური თვითმმართველობის მმართველი გუნდის წევრებმა
განახორციელეს. `ახალგაზრდულს” გუშინ საღამოს აქცია უნდა გაემართა, სადაც
Mათი თქმით, სტუდენტური თვითმმართველობის ფინანსურ დარღვევებზე იქნებოდა
საუბარი. `მოხდა თვითმმართველობის სახის კიდევ ერთხელ წარმოჩენა. მე,
მართალია, გამისწორდნენ ფიზიკურად, მაგრამ ჩვენ არ გვეშინია მათი.
მართალია, ესენი გადასულნი არიან ძალადობაზე, ჩვენ გვინდოდა მათთან ერთად
კონსტრუქციული დიალოგი, მაგრამ როგორც ჩანს, არ გამოდის, მათთან უნდათ
კონსტრუქციული დიალოგი და ისინი მიდიან ძალადობაზე და მათ ვაფრთხილებ, რომ
როგორც მოგვექცევიან, ადეკვატურად მიიღებენ პასუხს ყველაფერზე, მაგრამ
ჩვენ არა ვართ ძალმომრეობაზე გადასულები. ამიტომაც ჩვენ ისევ გავაგრძელებთ
საპროტესტო აქციებს.”- განუცხადა ჟურნალისტებს თავდასმიდან მოკლე დროში
გიორგი თოფურიამ. თსუ-ის სტუდენტური თვითმმართველობის ფინანსურ
დარღვევებზე საუბარი გაზვიადებულად მიაჩნია თსუ სტუდენტური პარლამენტის
თავმჯდომარე თორნიკე ხუციშვილს. მისი თქმით, ამასთან დაკავშირებით
ინფორმაცია ყველასთვის ხელმისწვდომია.