საქართველოს განათლების სამინისტროს ინიციატივით შეიქმნება ალტერნატიული სკოლები, ანუ ისეთი სკოლები, სადაც იქნება უფრო მკაცრი შიდა რეჟიმი.

როგორც ცნობილია, სამინისტრომ წარმოადგინა მოსწავლეთა ქცევის კოდექსი და სწორედ ამ კოდექსის პუნქტების დარღვევისთვის - რაც მოიცავს: მკვლელობის მცდელობას, მასწავლებლის, მოსწავლის ან სკოლის სხვა თანამშრომლის ფიზიკურ შეურაცხყოფას, ცივი იარაღის ტარებას, ნარკოტიკული საშუალების მოხმარებას და ტარებას - შესაძლოა მოსწავლეები გადაიყვანონ ალტერნატიულ სკოლებში.

სამინისტროს მიერ ინიცირებული წინადადებით, ალტერნატიულ სკოლაში გადაყვანის შემედეგ თითოეულ მოსწავლეს ინდივიდიალური პედაგოგი და ფსიქოლოგი ეყოლება; სწავლის ხანგრძლივობას კი ფსიქოლოგთა კონსილიუმი განსაზღვრავს.