საქართველოში სოლიდარობას აქცია მიუძღვნეს. ჩვენი საზოგადოების თვალსაჩინო წარმომადგენლები თითქმის ყველა სფეროდან, ერთხმად აღნიშნავდნენ, რომ ასეთი ღონისძიება დღეს ყველა საჭირო და აუცილებელია. ხალხი სოლიდარობას აგვისტოს რუსეთ-საქართველოს ომის დროს დევნილი მოსახლეობის მიმართ გამოხარტავს. აქციამ უკვე მიიღო კვირეულის სახე და ამ ხნის განმავლობაში, თითოეულ ქართველს შესაძლებლობა ექნება თავისი მცირედი წვლილი შეიტანოს თანამემამულეთა დასახმარებლად. ჩვენ ვფიქრობთ, რომ ის დამოკიდებულება, რომელსაც სოლიდარობა გამოხატავს, ქართულ სინამდვილეში, მხოლოდ მორიგი პიარ-აქცია არ იქნება და მას არც კვირეულებად დავყოფთ. ერთი მხრივ, კარგია, როდესაც საზოგადოების ცნობადი სახეების მონაწილეობით ხელისუფლება მზრუნველის როლშია, მაგრამ მეორე მხრივ, საჭიროა იმ ათასობით ლტოლვილად ქცეული ქართველის მიმართ რეალური დახმარება, რაც სათანადოდ არ არის გაკეთებული. საკუთარ ქვეყანაში დევნილად ქცეულ ხალხს დღეს იმაზე მეტად უჭირს და სტკივათ, რასაც ვერ წარმოიდგენს რომელიმე ჩინიანი. ამიტომაც დახმარების მთავარი პასუხისმგებლობა ხელისუფლებაზეა. ვიდრე თვალწინ სასტიკი რეალობა გვაქვს, უნდა ვიყოთ კრიტიკულები და თვითკრიტიკულებიც, ხოლო ჩვენში სოლიდარობა, თანადგომა, დახმარება და სიკეთის კეთება ის ფასეულობებია, რომელიც ტრადიციად მოგვყვება და რითიც გვიცხოვრია. კვირეულს გაუმარჯოს, სოლიდარულს.
მოგესალმები სტუმარი | RSS